http://www.arvorigfm.com/index.php?vrs=tunnel
Arvorig FM War eeun

KELEIER

Tremen an arnodennoù en brezhoneg ar muiañ posubl eo ar goulenn 'zo savet ar c'hevredigezhioù Bak e brezhoneg ha Breved e brezhoneg. E miz Even 'oa tremenet an arnodenn matematik gant 15 lisead en brezhoneg hep kaout an aotre. Kement all 'oa graet gant 60 skolajiad da geñver an arnodenn SVD evit ar breved. Gant Gwen Danigo, Gilles Killevere, Lena Coussement ha Valérie ar Gall ouzh mikro Erwan Blanchard.


selaou

An diskouarn o nijal! Arvorig FM

Anavezout a rit Arvorig FM, ur radio eo sur deoc'h! Evit lakaat anezhañ da vont en-dro eo meret gant ur gevredigezh savet gant tud a youl vat! Un tamm sell war hor radio muiañ karet gant Yann-Fañch Kerneiz, Annabelle Rougier, Serj an Uede ha Reun Treger. Kaset eo an abadenn gant Erwan Blanchard.

selaou

Un allig c'hoazh! Ti ar medisin

Emañ an aotrou Gwion Berrou, doktor-medisin, o tigemer tud klañv en e di.
Klevet a reer anezho o komz kenetrezo en ur c’hedal o zro. O gwelet a reer pep hini d’e dro gant ar medisin. Ganig Keruhella, ur medisin war e leve a zo deuet ivez da gaout an aotrou Berrou. Ur mignon kozh dezhañ hag en doa kuitaet ar vicher evit sevel ur strollad c’hoariva brezhoneg. Ha marvailhoù ganto o daou diwar-benn medisinerezh ha diwarbenn
ar pezhioù o doa c’hoariet asambles en o yaouankiz. Pezhioù-c’hoari o tennañ d’ar c’hleñvejoù ha d’ar vedisined, just awalc’h. Neuze e vez gwelet a bep eil pennadoù eus ar pezhioù-c’hoari-se.
Tammoù pezh c’hoariet :
    •    Ar medisin en desped dezhañ (krennamzer),
    •    Kamm ki pa gar (Molière, 1670),
    •    Knock (Jules Romain, 1920),
    •    Kleñved an Tougn (Jarl Priel, 1950)

selaou

An diskouarn o nijal! Oł va la Bretagne?


"Da belec'h ya Breizh" pe "Où va la Bretagne" setu tilt ul levr emañ Skol Vreizh o paouez embann. Savet eo gant Yves Lebahy ha Jean-Claude ar Ruyet. Un dielfennadenn eo eus ar pezh eo Breizh an deiz a hudu hag ur soñj eus ar pezh e teuio da vezañ ma gendalc'h ar Vretoned da vont gant ar memes hent hag hiriv… Lakaat a ra o daou skrivagner ar gaoz war an ekonomiezh 'ba Breizh, ar politikerezh ar sevenadur ha kement 'zo… Gant Jean-Claude ar Ruyet ha Paolig Kombod, prezidant Skol Vreizh, ouzh mikro Erwan Blanchard.

selaou

Gouez? Lanneier Menez Are, alato?

Heñchet 'vimp 'barzh ekomirdi Kommanna gant Annaelle le Pan.
Ganti e welimp penaos eo bet implijet al lanneier a-hed ar c'hantvedoù, ar vevliesseurted a gaver enno,
ur vro a seblant bezan divuhez ha padal n'eo ket, bet labouret gant an dud a veve eno
Ur vro hag a zo liammet hiziv an deiz c'hoazh gant idantelezh Breizh.

selaou

Brasaet eo bet Sportva Roudourou e-kerzh an hañv. Digoret eo ar greizenn bleustriñ 'ba Pabu evit ar c'hoarierien a-vicher: Pro Park. Deomp d'ober un tamm tro da Roudourou ha da Bro Park gant Jean-Yves Philippe, an tisavour eus Sant-Konan (22), 'neus soñjet ha treset ar sportva hag kreizenn sport klub melldroad gwellañ ar bed. Reportaj gant Erwan Blanchard.

selaou

Eil rummad ar filmoù berr "C'hwi a gano" 'zo bet filmet e-kerzh an hañv gant skipailh Justine Morvan ha Perrine Bleunven. 'Benn penn kentañ ar bloaz o tont c'hallimp heuliañ troioù kaer Anna 'bal lise "An nor digor". Peseurt mod eo tremenet ar filmañ 'ba Plabenneg? Selaouit an abadenn savet gant Erwan Blanchard.

selaou

Un allig c'hoazh! Ffran May & Joel Guena

Ha setu ur raktres nevez kaset da-benn gant Joel Guena ha Fran May,
Joel Guena a zo sonaozour ha soner piano. Ffran May a zo ur ganerez a orin eus Bro Gembre hag o  vevañ e Breizh. Tro 'neus bet Ffran da labourat gant arzourien a bep seurt: Pascal Lamour, Alan Stivell, Jean Lud Roudaut...
Kanaouennoù gant a bep seurt doareoù, gant a bep seurt yezhoù a vo da gaout war ar bladenn a vo prest e miz Geñver.

selaou

An diskouarn o nijal! "Kirri-samm lojań"

E fi miz Mae 'oa embannet reolennoù nevez da gontroliñ an otoioù gant Unanviezh Europa. Pell strishoc'h 'vo ar reolennoù adalek bremañ ha kontrolet 'vo muioc'h an otoioù. Paket eo an dud a vev 'ba o c'hirri-samm kempennet ganto a-benn bevañ enno. Evit kenderc'hel d'en ober rankfont lakaat da cheñch statut d'o c'harr-samm ha kas 'nezhañ da vezañ anavezet 'giz ur c'hamping-karr ha n'eo ket 'vel un oto ken.
Klevet e vo Lili Berrou hag Edern Madeg 'zo o chom 'ba ur gamionetenn. Displeget 'neunt da Erwan Blanchard o dibab bevañ mod all hag an diaesamantoù a degaso ar c'hontrol teknik nevez.

selaou


Envoyer cette rubrique ą un ami